Нуфузли Goal портали Глейзерлар оиласи клубга эгалик қилган даврда "Манчестер Юнайтед"нинг энг ёмон трансферлари рейтингини эълон қилди. Муаллифлар ушбу рейтингга 18 нафар футболчини киритдилар.
Биринчи ўрин қанот ҳужумчиси Антонига насиб этди, унга "Манчестер Юнайтед" 85 миллион фунт сарфлаган. Материалда таъкидланишича, клуб шунчаки пул исроф қилган. Иккинчи ўринни Алексис Санчес эгаллаган бўлса, кучли учликни Анхель ди Мария якунлади.
Рейтингда кейинги ўринларда Ромелу Лукаку, Поль Погба, Жэйдон Санчо, Донни ван де Бек, Мемфис Депай, Радамель Фалкао, Уильфрид Заха, Бебе, Морган Шнайдерлен, Виктор Вальдес, Харри Магуайр, Габриэль Обертан, Оуэн Харгрвиз, Генрих Мхитарян ва Андерсонлар жой олган.
