Испания терма жамоаси ва Бильбаонинг “Атлетик” клуби ҳужумчиси Нико Уильямс “Барселона” билан шахсий шартнома борасида келишиб олди. Журналист Давид Бернабеу берган маълумотларга кўра, испаниялик футболчи "блауграна" билан шахсий шартнома бўйича тўлиқ келишиб олган, аммо трансфер учун "Барселона" ҳалигача Бильбаонинг "Атлетик" клуби билан товон пули борасида келишиб олиши керак.
Эслатиб ўтамиз, 21 ёшли Уильямснинг шартномасида товон пули 58 миллион еврони ташкил этади, аммо "Барселона" молиявий муаммолар туфайли бундай пулни тўламоқчи эмас. Ханс-Дитер Флик жамоаси Никони арзонроқ нархда олишга умид қилмоқда.
Испания чемпионатининг сўнгги мавсумида Уильямс 5 та гол урди ва 11 та голли узатмани амалга оширди.
