Ispaniya terma jamoasi va Bilbaoning “Atletik” klubi hujumchisi Niko Uilyams “Barselona” bilan shaxsiy shartnoma borasida kelishib oldi. Jurnalist David Bernabeu bergan ma’lumotlarga ko‘ra, ispaniyalik futbolchi "blaugrana" bilan shaxsiy shartnoma bo‘yicha to‘liq kelishib olgan, ammo transfer uchun "Barselona" haligacha Bilbaoning "Atletik" klubi bilan tovon puli borasida kelishib olishi kerak.
Eslatib o‘tamiz, 21 yoshli Uilyamsning shartnomasida tovon puli 58 million yevroni tashkil etadi, ammo "Barselona" moliyaviy muammolar tufayli bunday pulni to‘lamoqchi emas. Xans-Diter Flik jamoasi Nikoni arzonroq narxda olishga umid qilmoqda.
Ispaniya chempionatining so‘nggi mavsumida Uilyams 5 ta gol urdi va 11 ta golli uzatmani amalga oshirdi.
