Испания терма жамоаси ҳужумчиси Альваро Мората жамоанинг Европа чемпионати финалига чиққани нишонлаётган пайтда олган жароҳати ҳақида гапирди.
Францияга қарши ўйин якунида Мората стадион хавфсизлик хизмати ходимининг оёғи қоқилиб кетиши натижасида лат еган эди.
"Якшанба куни ўйнай оламанми? Билмайман. Оёғимда оғриқ бор", — дея испан форварднинг сўзларини келтиради журналист Керри Хоу.
2024 йилги Европа чемпионати финалида Испания терма жамоаси иккинчи ярим финалда ўйнайдиган Нидерландия – Англия жуфтлиги ғолиби билан учрашади.