Франция терма жамоаси ҳужумчиси Килиан Мбаппе 2024-йилги Европа чемпионатида ўзи хоҳлагандек иштирок эта олмади.
Французлар Испания терма жамоасига ютқазиб (1:2) ярим финалда тўхтаб қолишди. Мбаппе турнирда бешта ўйин ўтказиб, пенальтидан гол урди ва битта голли узатмани амалга оширди.
25 ёшли форварднинг Евродаги ўйинини таниқли Who Scored статистик портали 7,24 балл билан баҳолади - бу ҳозирги кундаги 20-кўрсаткич.
Фақатгина Франция терма жамоасининг бир вакили ундан юқорироқ баҳо олди – Усмон Дембеле (7,34). Рейтинг етакчиси Испания терма жамоасидан Дани Ольмо – 7,95, иккинчи ўринда 7,84 балл билан Коди Гакпо (Нидерландия), учинчи ўринда 7,76 балл билан Гиорги Мамардашвили (Грузия) жойлашган.
