"Бавария"нинг янги футболчиси Жоау Палинья "Бавария" клубига ўтгани ҳақида фикр билдирди.
Португалиялик футболчи 2028 йилнинг ўрталарига қадар мўлжалланган узоқ муддатли шартномасини тузди.
"Бу фаолиятимдаги энг яхши лаҳзалардан бири. Европанинг энг кучли клубларидан бирида ўйнаш - бу орзу. Мен бундан жуда фахрланаман. Мен "Альянц-Арена"даги муҳитни ҳис қилишни интиқлик билан кутяпман. Мен "Бавария" билан чемпионликни қўлга киритмоқчиман", - деди футболчи клуб матбуот хизматига.
Ўтган мавсумда "Бавария" совринсиз қолганди. Жамоа Бундеслигада учинчи ўринни эгаллади.
