Жуд Беллингем Европа чемпионатидан сўнг елкасини операция қилиши мумкин.
Relevo нашри хабарига кўра, "Реал Мадрид" ва Англия терма жамоаси ярим ҳимоячиси ўтган йилнинг ноябрида "Райо Вальекано" билан Ла Лига ўйинида юзага келган вазиятдан кейин ҳамон ноқулайликни бошдан кечирмоқда - Беллингемнинг оғриғи ҳали ҳам кетмаган.
Клуб илгари жарроҳлик аралашувни кўриб чиқди, аммо консерватив даволанишни танлади.
Қайд этилишича, клуб ва футболчи жарроҳлик амалиётидан қочишга умид қилмоқда, бироқ Беллингем айни дамда ноқулайлик туфайли оғриқ қолдирувчи воситалар билан ўйнашга мажбур, шунингдек, жароҳатни ёмонлаштирмаслик учун ҳимоя воситаларидан фойдаланишга мажбур.
Беллингем Евро-2024дан кейин тиббий кўрикдан ўтиши кутилмоқда, шундан сўнг "Реал" эҳтимолий операция ҳақида қарор қабул қилади. Жарроҳлик бўлса, Жуднинг тикланиши камида 2 ой давом этади.
