"Манчестер Юнайтед" мураббийлар штаби икки мутахассис Руд ван Нистелрой ва Рене Хаке билан тўлдирилди.
"Қизил иблислар" пайшанба куни ушбу мураббийлар билан икки йиллик шартнома имзоланганини расман эълон қилди. "Манчестер Юнайтед" бошқарувчиси Эрик тен Хаг ўз штабидаги янги қўшилиш ҳақида фикр билдирди.
"Мен Рене ва Руд лойиҳамизга қўшилиб, ходимларимизга бой тажриба, билим ва янги куч қўшганидан хурсандман. Ҳозир мураббийлар жамоасини янгилаш учун қулай вақт, чунки биз сўнгги икки йилдаги ютуқларга асосланиб, янги даражага чиқишга умид қиламиз", - дея тен Хаг сўзларини келтиради клуб матбуот хизмати.
