Англия терма жамоасининг собиқ футболчиси Гари Линекер "уч шерлар" Испания терма жамоаси билан тўқнаш келадиган Европа чемпионати финалидан нима кутаётгани ҳақида гапирди.

"Бу учрашув футболимиз учун жуда муҳим. Англия терма жамоаси Евро финалида эди, аммо “Уембли”даги учрашув омадсизлик билан якунланди. Олдинда яна бир қийин учрашув турибди, жамоа тарихий ютуқ ёқасида. Англия ҳеч қачон бошқа мамлакатдаги йирик турнирда ғалаба қозонмаган", деди Линекер.

Англия ва Испания терма жамоалари ўртасидаги Евро-2024 финал учрашуви 14 июль, якшанба куни Берлинда бўлиб ўтади.