Мюнхеннинг "Бавария" клуби ҳужумчи Жошуа Зиркзеенинг "Болонья"дан "Манчестер Юнайтед"га ўтиши ҳисобига ўз бюджетини катта миқдорда тўлдиради.
Эслатиб ўтамиз, Мюнхен клуби нидерландиялик футболчини "Болонья"га сотишда шартномага вариантни киритган, унга кўра италияликлар "Бавария"га форварднинг кейинги сотуви суммасининг 50 фоизини беришга мажбур.
Қайд этилишича, трансфер суммаси 42 миллион еврони ташкил қилади, шунинг учун "Бавария" нақд 21 миллион ишлаб олиши керак. Мюнхенликлар биринчи бўлиб рад этиш ҳуқуқидан фойдаланиб, Жошуани ортга қайтаришлари мумкин эди, аммо раҳбарият бу вариантни рад этишга қарор қилди.
23 ёшли Зиркзее сўнгги Италия чемпионатида 11 та гол урди ва 4 та голли узатмани амалга оширди.
