Дезире Дуэ «ПСЖ»га ўтиши мумкин.

"RMC Sport" хабарига кўра, Париж клуби «Ренн»нинг 19 ёшли вингери учун курашга киришган ва уни ёзги трансфер бозоридаги асосий мақсадларидан бирига айлантирган.

Парижликлар раҳбарияти футболчини анчадан бери кузатиб келган. Ўтган мавсумда «ПСЖ» «Ренн»ни қабул қилганида, жамоа раҳбарияти Дуэдан ҳайратда қолган.

Франциялик футболчи учун курашда «Бавария» етакчилик қилмоқда. Мюнхенликлар аллақачон 30+5 миллион евролик биринчи таклифни билдиришган, Бретон клуби бу таклифни рад этган. Немис клуби музокараларни давом эттирмоқда ва тез орада янги таклиф билан чиқиши керак. «Бавария»нинг Б режаси - «Лейпциг» футболчиси Хави Симонс.

Қайд этилишича, Дуэ ҳали ўз танловини амалга оширмаган. Унинг «Ренн» билан шартномаси 2026 йилгача мўлжалланган.

Ўтган мавсумда у Лига 1да 31 та ўйин ўтказиб, 4 та гол урди ва 4 та голли узатмани амалга оширди.