Dezire Due «PSJ»ga o‘tishi mumkin.
"RMC Sport" xabariga ko‘ra, Parij klubi «Renn»ning 19 yoshli vingeri uchun kurashga kirishgan va uni yozgi transfer bozoridagi asosiy maqsadlaridan biriga aylantirgan.
Parijliklar rahbariyati futbolchini anchadan beri kuzatib kelgan. O‘tgan mavsumda «PSJ» «Renn»ni qabul qilganida, jamoa rahbariyati Duedan hayratda qolgan.
Fransiyalik futbolchi uchun kurashda «Bavariya» yetakchilik qilmoqda. Myunxenliklar allaqachon 30+5 million yevrolik birinchi taklifni bildirishgan, Breton klubi bu taklifni rad etgan. Nemis klubi muzokaralarni davom ettirmoqda va tez orada yangi taklif bilan chiqishi kerak. «Bavariya»ning B rejasi - «Leypsig» futbolchisi Xavi Simons.
Qayd etilishicha, Due hali o‘z tanlovini amalga oshirmagan. Uning «Renn» bilan shartnomasi 2026 yilgacha mo‘ljallangan.
O‘tgan mavsumda u Liga 1da 31 ta o‘yin o‘tkazib, 4 ta gol urdi va 4 ta golli uzatmani amalga oshirdi.
