«Тоттенҳем» ҳужумчиси Эммануэль Адебаёр Европа лигаси чорак финали доирасидаги «Базел»га қарши ўйин ҳақида фикр билдирди.
«120 дақиқа югуриш, 10 киши бўлиб қолиб яна пенальти тепиш жуда қийин. Қачон тўп сизга келиб тушса, босим ҳис қиласиз. Лекин бу бизнинг ютқазганимизга сабаб бўлмайди.
Биз гол уришимиз керак эди, лекин бу жуда мураккаб бўлди. Мен «Арсенал» ва «Реал» таркибида пенальтини амалга оширганман, бу лотерея. Баъзида гол урасан, баъзида адашасан. Мен хато қилдим.
Жуда афсусландим, лекин футболда бундай ҳам бўлиб туради. Барчасини унутиш ва олға бориш керак»,- дейди Адебаёр.