Олий лиганинг 5-турида Зоминдаги стадионда “Нефтчи”ни қабул қилган “Сўғдиёна” иродали ғалабага эришиб, очколари сонини 6тага етказиб олди.
Ўйин майдон эгалари учун осон кемади. Биринчи бўлим давомида мезбонлар ҳужум уюштиришга ҳаракат қилган бўлсаларда, бўлим охирларида ҳакам айнан жиззахликлар дарвозаси томон пенальти белгилади ва уни Азиз Алижонов аниқ амалга ошириб, ҳисобни очди.
Иккинчи бўлим бошида фарғоналиклар ўйин тақдирини ҳал қилиб қўйишлари мумкин эди. Отабек Исроилов дарвозабон билан бирга-бир вазиятга чиқиб борди ва унинг зарбаси дарвоза устунига тегиб майдонни тарк этди. “Сўғдиёна” ҳам ҳисобни пенальти белгиланганидан кейин тенглаштирди. Гарчи Суҳроб Бердиев пенальтини тўғридан-тўғри голга айлантира олмаган бўлса-да, Мурод Тошматовни шериклари қулай вазиятга чиқаришди ва у имкониятни қўлдан бой бермади — 1:1.
Ўйин тугагиша бир неча дақиқалар қолганида эса “Сўғдиёна” стандарт вазиятдан сўнг ғалаба тўпини киритди. Жарима майдонига ҳаволатиб ошириб берилган зарбани Хуршид Йўлдошев боши билан дарвозага жойлади. Ҳисоб — 2:1.
«Сўғдиёна» (Жиззах) – «Нефтчи» (Фарғона) 2:1
Голлар: Мурод Тошматов (72), Хуршид Йўлдошев (85) — Азиз Алижонов (38-пенальти)
Ҳакамлар: Х.Рўзиев (Тошкент), Ф.Ҳасанов (Наманган), А.Цапенко (Тошкент вилояти), Н.Болтаев (Навоий).
«Сўғдиёна»: 1.Александр Меленчук, 2.Жаводулло Ибрагимов, 3.Илҳом Комилов, 4.Асил Бегимқулов (9.Хуршид Йўлдошев, 46), 5.Илёс Қурбонов (15.Анвар Раҳимов, 65), 6.Мурод Тошматов, 13.Жалил Кимсанов, 18.Суҳроб Бердиев, 19.Сирож Ҳамроев, 24.Элёр Орипов, 25.Сардор Қаҳҳоров (22.Ориф Мамажонов, 56).
«Нефтчи»: 46.Хўжаев Хуршид, 3.Шукур Пўлатов, 4.Иқбол Бобохонов, 6.Бахтиёр Ёқубов, 7.Мансур Саидов, 8.Азиз Алижонов, 11. Отабек Исроилов (30.Отабек Зокиров, 71, 19.Шерзод Ҳакимов, 79), 17.Сардор Мирзаев, 20.Дилёрбек Эрматов 22.Иқбол Акрамов, 23.Санжар Асқаралиев.
Огоҳлантиришлар: Илҳом Комилов (90+1), Жалил Кимсанов (37), Илёс Қурбонов (44) - Шерзод Ҳакимов(82), Бобохонов Иқбол(72), Санжар Асқаралиев (72), Дилёрбек Эрматов (40), Азиз Алижонов (44)
Амалга оширилимаган пенальти: Суҳроб Бердиев (72)
Назоратчи: С. Нажафалиев (Тошкент).
Fcsogdiana.tk сайти материаллари асосида тайёрланди.
