"Ювентус" ярим ҳимоячиси Уэстон Маккенни ватанига қайтиши мумкин.

Америкалик футболчининг "Ювентус"да қолиши даргумон: у шартномани узайтиришдан бош тортди, Турин клуби эса уни бир йилдан кейин эркин агент сифатида йўқотмаслик учун уни сотиш ниятида. Журналист Жованни Альбанезенинг фикрича, “Интер Майами” Маккенни АҚШга қайтаришга тайёр. Битим амалга ошиши учун ўйинчи маошни қисқартиришга рози бўлиши керак, аммо бу йўқотиш реклама ҳуқуқлари билан қопланиши мумкин.

Уэстон Маккеннига Туркия ва Германия клублари ҳам қизиқиш билдирмоқда. Аввалроқ, 25 ёшли ярим ҳимоячи "Астон Вилла"га ўтишдан бош тортганди.