37 ёшли ҳужумчи Лионель Месси Аргентина терма жамоаси таркибида 2024 йилги Америка кубогида ғолиб чиқди. Нуфузли турнирнинг финал учрашувида "Альбиселесте' Колумбияни минимал ҳисобда мағлуб этди – 1:0. Ҳал қилувчи гол ҳужумчи Лаутаро Мартинес томонидан киритилди.

Тажрибали форвард учун бу соврин терма жамоадаги тўртинчиси бўлди. Месси икки марта Америка кубогини қўлга киритди, жаҳон чемпиони бўлди, шунингдек, Финалиссима ғолиби бўлди.

Эслатиб ўтамиз, ҳужумчи бугунги финални охиргача якунлай олмади. Лионел иккинчи бўлим ўрталарида жароҳати туфайли алмаштирилди.