"Наполи" ўз етакчиси Виктор Осимхенни сотишга тайёр, бироқ у учун камида 100 миллион евро сўрамоқда.
Ҳозирча 25 ёшли футболчини бундай шартлар билан сотиб олмоқчи бўлганлар йўқ, аммо "ПСЖ" ҳали нигериялик футболчини қўлга киритиш фикридан қайтгани йўқ. Инсайдер Жанлука Ди Марцио Осимхеннинг агенти душанба куни Парижга учиб кетганини хабар берди.
Лига 1 гранди форвардни арзон нархда сотиб олиш учун ўз ўйинчиларидан бирири шартномага қўшишни истамоқда. Норди Мукиэле, Ли Кан Ин ва Карлос Солер "Наполи"га ўтиши мумкин, уларнинг нархи Transfermarkt экспертлари томонидан мос равишда 10, 25 ва 20 миллион еврога баҳоланмоқда.
