Ёзги трансфер ойнаси қизғин паллага кирди, Туркиянинг «Галатасарой» клуби шотландиялик ярим ҳимоячи Скотт Мактоминай учун таклиф билан чиқди. Бироқ «Манчестер Юнайтед» бу таклифни рад этди. Бу ҳақда "Mirror" нашрига таяниб, "Transfer News Live" хабар бермоқда.
Скотт Мактоминай «Манчестер Юнайтед» академияси тарбияланувчиси ҳисобланади. «Қизил иблислар»нинг асосий жамоаси учун ярим ҳимоячи 252 та расмий ўйин ўтказиб, 29 та гол урган ва шерикларига 8 та голли узатма берган.
Эслатиб ўтамиз, нуфузли "Transfermarkt" портали мутахассислари Скотт Мактоминайни 32 миллион еврога баҳоламоқда.
