"Ливерпул"га эгалик қилувчи Американинг Fenway Sports Group компанияси "Бордо"ни сотиб олиш ғоясидан воз кечди.
Бу ҳақда француз клуби матбуот хизмати ижтимоий тармоқларда хабар берди.
"Fenway Sports Group "Бордо" ва унинг акциядорига клубни сотиб олиш бўйича музокаралардан воз кечиш истаги ҳақида хабардор қилди.
Бу қарор, хусусан, стадионнинг потенциал харажатлари, шунингдек, француз футболининг умумий иқтисодий контексти билан изоҳланади.
"Бордо" ва Жерар Лопес (клуб эгаси) ўзларига қизиқиш бўлгани учун Fenway Sports Group'га миннатдорчилик билдиради.
Клуб энди апелляция муҳокамасини ўтказиш мақсадида 2024/2025 йилги мавсум учун молиялаштириш режасини якунлаш учун барча саъй-ҳаракатларини амалга оширмоқда", - дейилади "Бордо" матбуот хизмати хабарида.
