"Барселона" ёзги трансфер ойнасида жамоанинг ярим ҳимоя чизиғини кучайтирмоқчи. Бош мураббий Ханс-Дитер Флик "кўк-анорранглилар" сафида ўз ватандоши Ёзуа Киммихни кўрмоқчи, деб хабар бермоқда Todofichajes.

Агар немис билан келишув бўлмаса, каталонияликлар бошқа футболчи вариантига ўтади. Гап Санкт-Петербургнинг "Зенит" клуби ярим ҳимоячиси Маркус Вендел ҳақида кетмоқда. Ушбу трансфер операцияси "Барселона"га 20 миллион еврога тушади.

26 ёшли марказий ярим ҳимоячи 2020 йилнинг октябрь ойидан бери Санкт-Петербург жамоасида ўйнамоқда. Томонлар ўртасидаги амалдаги меҳнат шартномасининг муддати 2027 йил июнь ойининг охирида тугайди.