Яқинда Тьяго Алькантара футболчилик фаолиятини якунлаганини эълон қилди. "Барселона"нинг собиқ футболчиси бутсаларини анча эрта - 33 ёшида михга илди. Бу қарорга жароҳатлар сабаб бўлди - сўнгги йилларда Тьяго "Ливерпул"да кам ўйнади.
Энди Тьяго "Барселона"да Ханс-Дитер Фликнинг мураббийлар штабида тажриба орттиради. Каталония клуби Тьяго яқин ҳафталарда, жумладан, АҚШда бўлиб ўтадиган турне давомида ишлашини маълум қилди. Кейинчалик нима бўлиши ҳозирча номаълум. Тьяго футболчи сифатида “Барселона” сафида 100 та ўйин ўтказиб, 11 та гол урган ва жамоадошларига 20 та голли узатма берган.
