"Гулистон" - "Бухоро" (1:0) ўйинидан кейинги матбуот анжуманида иштирок этган Тачмурод Агамуродов ўз фикрлари билан ўртоқлашди.

Тачмурод Агамуродов, «Бухоро» бош мураббийи:
«Ўйин бошидаги бироз эътиборсизлигимиз бизга панд берди. «Гулистон» стадионига ташриф буюрган томошабинлар ниҳоятда қизиқарли ва жанговар учрашувни кузатишди деб ўйлайман. Кези келганда маҳаллий ишқибозларга тан бермасдан иложим йўқ. Уларнинг қўллаб-қувватлашлари «Гулистон» футболчиларига қўл келди. Шогирдим Бахтиёр Ашурматовнинг келгуси ишларига омадлар тилаб қоламан. У футболчилик фаолиятида ҳам барқарор ўйин кўрсатганди. Энди мураббийликда ҳам барқарор жамоани шакллантира олибди. «Гулистон» олий лига дебютанти бўлишига қарамасдан кучли рақибларга муносиб қаршилик кўрсатмоқда».