Туриннинг «Ювентус» клуби вингери Федерико Кьеза «Тоттенхэм» радарига тушиб қолди. Лондон клуби 26 ёшли футболчи билан шартнома имзолаш масаласини муҳокама қилмоқда. Шу билан бирга, Кьеза бўйича «шпорлар» ҳали расмий таклиф қилишмаган. Бу ҳақда "Todofichajes" портали ўз саҳифаларида маълумот бермоқда.
Аввалроқ матбуотда Федерико Кьеза «Ювентус»нинг янги бош мураббийи Тьяго Моттанинг режаларига кирмаслиги ҳақида маълумот пайдо бўлган эди. Вингернинг Турин клуби билан амалдаги шартномаси 2025 йилнинг ўрталарига мўлжалланган. "Transfermarkt" портали мутахассислари Кьезани 35 миллион еврога баҳоламоқда.
