"Атлетико Мадрид" ўзини "Реал Сосьедад" ва Испания терма жамоасининг икки футболчиси билан кучайтиришга умид қилмоқда.
Хабарингиз бор, “матрасчилар” марказий ҳимоячи Рубен ле Норман билан шартнома имзолашга яқин турибди. Инсайдер Маттео Мореттонинг янгиланган маълумотларига кўра, Мадрид клуби 27 ёшли футболчининг келишувига Испания терма жамоаси билан Европа чемпиони бўлган жамоадоши Микель Меринони ҳам киритишга тайёр. "Реал Сосьедад" 28 ёшли ярим ҳимоячининг шартномаси бир йилдан кейин тугаши сабабли уни сотиш имкониятини кўриб чиқади.
Transfermarkt портали маълумотларига кўра, Ле Норманнинг нархи 40 миллион еврога баҳоланмоқда, Меринога "Барселона" ва Лондоннинг "Арсенал" клуби қизиқиш билдирмоқда.
