Корея футбол ассоциацияси Хван Хи Чанга қарши ирқчилик юзасидан ФИФАга хат йўллади.
Эслатиб ўтамиз, "Вулверхэмптон"нинг жанубий кореялик ҳужумчиси "Комо" билан ўртоқлик учрашувида ирқчиликка дуч келганди.
Корея футбол ассоциацияси ФИФАга эпизод юзасидан "жиддий хавотир" билдирилган хат йўллади.
"18 июль куни ФИФАга юборилган расмий мактубда Корея футбол ассоциацияси Хван Хи Чаннинг яқинда бўлиб ўтган ўртоқлик ўйинида рақиб ўйинчисининг ирқчилик ҳаракатидан жиддий хавотир билдирган ва ирқий камситишнинг олдини олишга чақирган.
Уни йўқ қилиш учун биз ФИФАдан қоидабузарларга нисбатан санкцияларни янада кучайтиришни сўрадик", — дейилади ташкилот баёнотида.
