Ҳуқуқлари Саудиянинг "Ал-Иттиҳод"ига тегишли бўлган француз футболчиси Нголо Канте Европага қайтиши мумкин.

Бу ҳақда Sport.es портали журналистлари хабар беришди. Манбанинг хабар беришича, “Барселона” 33 ёшли франциялик ярим ҳимоячининг трансферига қизиқиш билдирмоқда.

"Кўк-анорранглилар" Кантенинг 2024 йилги Европа чемпионатидаги ўйинидан қойил қолишди ва шу ёзда унинг трансферини расмийлаштирмоқчи.

Нголонинг "Ал-Иттиҳод" билан шартномаси 2026 йилнинг ўрталарига қадар тузилган, футболчининг трансфер нархи тўққиз миллион еврони ташкил қилади.