Миш-мишлар узоқ вақтдан бери ҳимоячи Альфонсо Дэвисни "Реал" билан боғлаб келмоқда.

23 ёшли канадалик футболчининг "Бавария" билан амалдаги шартномаси яна бир мавсум, 2025 йилнинг ўрталарига қадар амал қилади. Томонлар маош бўйича келишмовчилик туфайли меҳнат шартномасини узайтириш тўғрисида келиша олмаяпти. "Бавария" аллақачон клуб футболчининг талабларини қаноатлантирмаслигини маълум қилган.

Relevo нашри хабарига кўра, "Реал Мадрид" Дэвис билан боғлиқ вазиятга хотиржам муносабатда. Агар "Бавария" 50 миллион евролик нархда қатъий туришда давом этса, Мадридликлар келаси ёзгача кутишни ва футболчини эркин агент сифатида сотиб олишни афзал кўради. Агар "Бавария" трансфер нархини туширса, ушбу ўтиш шу йилнинг ёзида амалга ошиши мумкин.