"Лион" "Саутгемптон"нинг 16 ёшли собиқ футболчиси Алехандро Гомес Родригес билан шартнома имзолаганини эълон қилди.

Англия U-16 терма жамоасида ўйнаётган форвард ўзининг илк профессионал шартномасини имзолади. Француз клуби билан келишув 2027 йилнинг ёзига қадар мўлжалланган.

16 ёшли футболчи асли португалиялик. У, шунингдек, Венесуэла U-17, шунингдек, Португалия U-15 терма жамоасида ўйнаган.

Англия ёшлар терма жамоаси сафида 8 учрашувда форвард 4 та гол урди ва 2 та голли узатмани амалга оширди.

Родригес инглиз клубида 2022 йилнинг июлидан бери ўйнаб келаётганди.