"Бавария" спорт директори Макс Эберль Венсан Компанининг мураббийлик тажрибаси ҳақида ўз фикри билан ўртоқлашди.

Бельгиялик собиқ футболчи мавсум оралиғида Мюнхен грандига бош мураббий этиб тайинланди - у ўз лавозимини тарк этган Томас Тухелнинг ўрнини эгаллади.

“Компани футболчилар билан қандай муомала қилишни билади ва у кийиниш хонаси қандай ишлашини тушунади. У шунчаки футболчи эмас, майдонда Пеп Гвардиоланинг ўнг қўли эди. Венсаннинг тўрт йиллик мураббийлик тажрибаси бор, лекин у саккиз, тўққиз ёки ўн йил олдин мураббийга айланиб бўлган", - дея Эберль сўзларини келтиради Bayern & Germany.