«Арсенал» ярим ҳимоячиси Жек Уилшер ўзининг ҳолати ва жамоасининг кейинги ўйинлари ҳақида фикр билдирди.
«Жароҳатдан кейин жамоага қайтганим ажойиб бўлди. Лекин спорт формамни тиклаш учун менга вақт керак. Менимча, бу учун бир нечта ўйин ўтказиш зарур.
Ўзимни жуда яхши ҳис қиляпман. Шанба куни майдонга тушишим керак эди ва мураббий менга бу имкониятни берди. «Эвертон»га қарши ўйинда нима бўлишини билмайман. Агар ўйинни захирада бошлашим керак бўлса, бунга розиман.
Бизни жуда муҳим ўйин кутиб турибди. «Эвертон» ҳозир яхши формада, лекин биз уларни мағлуб этсак, бизнинг ҳолатимиз янада яхшиланади. Бундан кейин ҳам бизни қийин ўйинлар кутиб турибди. «МЮ», «Фулҳем» билан... Лекин фикримча, биз навбатдаги олти учрашувда максимум очко тўплай оламиз»,- дейди футболчи.













