"Интер"нинг ҳужумкор ярим ҳимоячиси Валентин Карбонини ўз клуби жуда қиммат баҳолайди. “Марсел” Аргентина терма жамоаси футболчисини сотиб олмоқчи, бироқ “нерадзурри”нинг 30 миллион евролик сўрови француз клуби томонидан жуда юқори деб ҳисобланмоқда.
Ўзаро манфаатли ечим ижара бўлиши мумкин, унда тўловлар 19 ёшли футболчининг муваффақиятига боғлиқ бўлади. Валентин Карбони ўтган мавсумни "Монца"да ижара асосида ўтказди.
Аргентиналик футболчи А Сериянинг 31 та учрашувида 2 та гол ва 4 та голли узатмани амалга оширган. Қанотда ўйнай оладиган ҳужумкор ярим ҳимоячига "Брайтон" ҳам қизиқиш билдирган.
