Ярим ҳимоячи Калвин Филлипснинг "Манчестер Сити"даги келажаги шубҳа остида қолмоқда. 28 ёшли ўйинчи ўтган мавсумда камдан-кам майдонга тушди ва унинг "Вест Хэм"га ижараси умуман ёрдам бермади.
Филлипс бугун "Сити"ни "Селтик"га қарши мавсумолди биринчи ўйинида майдонга тушди ва Шотландия чемпиони билан учрашувда иштирок этган кам сонли тажрибали футболчилардан бирига айланди.
"У яхши машғулот ўтказмоқда, бугун у биринчи бўлимни ажойиб ўтказди. Унинг жароҳати бор эди, шунинг учун унга бошқа дақиқалар бера олмадик. Кейин нима бўлишини билмайман, кўрамиз. Калвин ўз аҳволини тушунади", - деди Гвардиола.
