"Аякс" "Манчестер Юнайтед" ярим ҳимоячиси Кристиан Эриксенга қизиқиш билдирмоқда.
Миш-мишлар аллақачон данияликнинг Амстердам клубига қайтиши мумкинлиги билан боғланган, бироқ масала аниқ музокараларгача етиб бормаган. United Stand хабарига кўра, "Аякс" ёзги трансфер ойнасида Эриксенни ижарага олишни режалаштирган. "Қизил иблислар" 32 ёшли футболчини сотишни ёки сотиб олиш имконияти билан ижарага беришни афзал кўришади, аммо улар музокараларга киришиши мумкин. Қайд этилишича, Нидерландия клуби ўз таркибидан кимнидир сотган тақдирдагина келишувни амалга ошириши мумкин бўлади.
Кристиан Эриксен 2009 йилдан 2013 йилгача "Аякс"да ўйнаган, кейин эса "Тоттенхэм"га ўтган. Футболчининг “Манчестер Юнайтед” билан шартномаси келаси ёзда якунига етади.
