"Арсенал" ўзининг энг катта савдосини амалга ошириши мумкин.

"Канонирлар" "Фулхэм" билан ярим ҳимоячи Эмиль Смит-Роунинг трансфери бўйича келишувга бир қадам қолди. Журналист Девид Орнштейннинг сўзларига кўра, 23 ёшли футболчининг трансфери "Фулхэм"га 35 миллион фунт стерлингга (41,5 миллион евродан кўпроқ) тушади - бу клуб тарихидаги энг қиммат трансфер, шунингдек, "Арсенал" учун барча даврлардаги энг йирик сотув ҳисобланади.

Эмил Смит-Роу ўн ёшидан бери "канонирлар" сафида ўйнаб келмоқда. У асосий таркибда 115 та ўйинда 18 та гол ва 15 та голли узатмани амалга оширган.