Аргентина футбол ассоциацияси президенти Клаудио Чики Тапиа Марокаш билан Олимпиада ўйинидаги шов-шувли ўйин (1:2) ҳақида гапирди.
Эслатиб ўтамиз, 106-дақиқада аргентиналиклар ҳисобни тенглаштиришди (2:2), шундан сўнг марокашлик мухлислар тартибсизликларни бошлаб юборишди ва ҳакам жамоаларни кийиниш хонасига олиб кетди.
Икки соатдан сўнг ўйин давом эттирилди ва бош ҳакам ВАРни кўриб чиқиб, голни бекор қилди. Ўйин якунда Аргентинанинг 1:2 ҳисобидаги мағлубияти билан якунланди.
"Бугун биз аргентиналиклар Сент-Эьтенда бошдан кечирганимиз жуда ачинарли. Биз кийиниш хонасида деярли икки соат кутдик, футболчиларимиз исиниш ва ўйинни давом эттириш учун яна майдонга чиқишга мажбур бўлди, марокашлик томошабинлар майдонга кириб, зўравонлик кўрсатгач, бош ҳакам тўхтатиб қўйишга мажбур бўлди. Бу аслида маъносиз ва мусобақа қоидаларига зид эди.
Қолаверса, ўйинни қайта бошламаслик керак эди, деб ҳисоблаган ҳар икки жамоа сардорларининг фикрлари ҳам эшитилмади. Аргентина футбол ассоциацияси томонидан биз тегишли тартибга солиш чоралари кўрилиши ва айбдорларга нисбатан санкциялар қўлланилиши учун ФИФАга аллақачон шикоят қилганмиз", — деди Чики Тапиа Mundo Albiceleste билан суҳбатда.
