"Арсенал" бош мураббийи Микель Артета ярим ҳимоячи Эмиль Смит-Роу ҳақиқатан ҳам клубни тарк этиш арафасида эканлигини айтди.
Шанба куни эрталаб "Арсенал" Лос-Анжелесда "Борнмут"га қарши ўртоқлик учрашуви ўтказди. Асосий вақт 1:1 ҳисобидаги дуранг билан якунланди, аммо пенальтилар сериясида “канонирлар” устун келди (5:2).
Шу билан бирга, "Фулхэм" Смит-Роу учун 35 миллион фунт стерлинг товон пули бўйича келишувга яқин тургани ҳақида миш-мишлар пайдо бўлди.
Артета Смит-Роуни "Борнмут"га қарши ўйинда майдонга туширмади ва ўйиндан сўнг у 23 ёшли инглиз футболчиси ҳақиқатан ҳам тез орада сотилишини айтди.
"Ҳа, ҳозирда парда ортида баъзи нарсалар бор. Биз уни бугунги учрашувда ишлатмаслик яхшироқ деб қарор қилдик", - деди Артета Daily Mail билан суҳбатда.
