Мадриднинг “Атлетико” клуби “Челси” ярим ҳимоячиси Конор Галлахерни ўз сафига қўшиб олмоқчи, деб хабар бермоқда TEAMtalk.
Манбага кўра, испан клуби 24 ёшли футболчини Диего Симеоне жамоаси учун идеал деб ҳисоблаб, "Челси" билан музокаралар олиб бормоқда. Галлахернинг ўзи ҳам шунга ўхшаш лойиҳага жалб қилинган, у аллақачон қариндошлари ва дўстлари билан Испаниядаги ҳаёт ҳақида бир неча бор гаплашган. Лондон клуби ярим ҳимоячини сотишга тайёр.
Галлахер "Челси" тарбияланувчиси ва академиядан асосий жамоага қадар ишлаган. Футболчининг клуб билан шартномаси 2025 йилнинг ёзига қадар мўлжалланган.
