"Бавария"нинг ўнг қанот ҳимоячиси Нуссаир Мазрауи Эрик тен Хаг билан "Манчестер Юнайтед"да бирлашишни истамоқда.

Июнь ойида маълум бўлишича, Маттейс де Лигт "қизил иблислар" лагерига ўтишни хоҳлайди. Журналист Фабрицио Романонинг янгиланган маълумотларига кўра, Мазрауи энди фаолиятини "Манчестер Юнайтед"да давом эттириш истагини аниқ билдирган. 26 ёшли марокашлик футболчи Англияга кўчиб ўтишга тайёр ва клубларнинг келишувга эришишини кутмоқда.

Манкунианликлар раҳбарияти футболчи билан шартнома шартлари бўйича музокараларда муаммога дуч келмаслиги керак. Бироқ, ҳимоянинг ўнг томонида янги ўйинчи сотиб олишдан олдин, инглиз гранди Аарон Уан-Биссака билан хайрлашиши керак.

Эслатиб ўтамиз, Нуссер Мазрауи Амстердамнинг "Аякс" клубида Эрик тен Хаг бошчилигида ўйнаган, худди Маттейс де Лигт каби.