"Bavariya"ning o‘ng qanot himoyachisi Nussair Mazraui Erik ten Xag bilan "Manchester Yunayted"da birlashishni istamoqda.

Iyun oyida ma’lum bo‘lishicha, Matteys de Ligt "qizil iblislar" lageriga o‘tishni xohlaydi. Jurnalist Fabrisio Romanoning yangilangan ma’lumotlariga ko‘ra, Mazraui endi faoliyatini "Manchester Yunayted"da davom ettirish istagini aniq bildirgan. 26 yoshli marokashlik futbolchi Angliyaga ko‘chib o‘tishga tayyor va klublarning kelishuvga erishishini kutmoqda.

Mankunianliklar rahbariyati futbolchi bilan shartnoma shartlari bo‘yicha muzokaralarda muammoga duch kelmasligi kerak. Biroq, himoyaning o‘ng tomonida yangi o‘yinchi sotib olishdan oldin, ingliz grandi Aaron Uan-Bissaka bilan xayrlashishi kerak.

Eslatib o‘tamiz, Nusser Mazraui Amsterdamning "Ayaks" klubida Erik ten Xag boshchiligida o‘ynagan, xuddi Matteys de Ligt kabi.