"Боруссия Дортмунд" яқин орада “Манчестер Сити”дан Ян Коутони сотиб олиши мумкин.
Инсайдер Фабрицио Романонинг сўзларига кўра, Дортмунд клуби "шаҳарликлар"нинг 22 ёшли бразилиялик ҳимоячисининг трансфери бўйича музокараларда олдинга силжиган, келишув яқин вақт ичида тузилиши мумкин.
Клублар сўнгги тафсилотлар ва бонуслар миқдорини муҳокама қилмоқда. "Боруссия" раҳбарияти Коуто учун 30 миллион еврогача маблағ сарфлашни режалаштирмоқда.
Клуб яқин кунларда футболчини тиббий кўрикдан ўтказишга тайёр.
Коуто сўнгги икки мавсумни "Жирона"да ижара асосида ўтказди.
