"Borussiya Dortmund" yaqin orada “Manchester Siti”dan Yan Koutoni sotib olishi mumkin.
Insayder Fabrisio Romanoning so‘zlariga ko‘ra, Dortmund klubi "shaharliklar"ning 22 yoshli braziliyalik himoyachisining transferi bo‘yicha muzokaralarda oldinga siljigan, kelishuv yaqin vaqt ichida tuzilishi mumkin.
Klublar so‘nggi tafsilotlar va bonuslar miqdorini muhokama qilmoqda. "Borussiya" rahbariyati Kouto uchun 30 million yevrogacha mablag‘ sarflashni rejalashtirmoqda.
Klub yaqin kunlarda futbolchini tibbiy ko‘rikdan o‘tkazishga tayyor.
Kouto so‘nggi ikki mavsumni "Jirona"da ijara asosida o‘tkazdi.
