"Манчестер Юнайтед" ва "Бавария" ҳали ҳам Маттейс де Лигтнинг трансфер нархи борасида келиша олмаяпти.
Нидерландиялик футболчи "қизил иблислар" сафига қўшилиб, "Аякс"да бирга ишлаганидан таниш бўлган Эрик тен Хаг билан яна бирлашмоқчи. Клублар ҳали келишув шартлари бўйича келиша олишмади: инсайдер Фабрицио Романонинг хабар беришича, "Бавария" де Лигт учун кафолатланган тўловлар сифатида 50 миллион евро олишни кутмоқда, "Манчестер Юнайтед" эса 35 миллион евро ва бонуслар беришга тайёр.
Transfermarkt экспертларининг фикрича, 24 ёшли футболчининг нархи 65 миллион еврони ташкил қилади. Марказий ҳимоячининг немис гранди билан шартномаси 2027 йилгача амал қилади.