"Барселона" раҳбарияти Каталония клуби ҳар куни "Атлетик Бильбао" вингери Нико Уильямсни сотиб олишдан узоқлашаётганидан хабардор. Бу ҳақда АS хабар бермоқда.
Манбанинг хабарига кўра, "блауграна" испаниялик футболчининг трансфери унинг оиласи ва "Атлетик" томонидан унга босим ўтказгани учун мураккаблашган деб ҳисобламоқда. "Барселона"нинг фикрича, Уиляьмс ҳозирги жамоасида қолиш борасида деярли якуний қарорга келган.
Ўтган мавсумда Уиляьмс клуб ва терма жамоа сафида барча мусобақаларда 48 та ўйинда қатнашиб, 10 та гол ва 24 та голли узатмани амалга оширган. Футболчининг клуб билан амалдаги меҳнат шартномаси 2027 йилнинг ёзига қадар амал қилади.
