«Барселона» ярим ҳимоячиси Хави «Реал» дарвозабони Икер Касильяснинг Каталония клубига ўтиши мумкинлиги ҳақидаги хабарларга изоҳ билдирди.
«Икернинг захирада қолиб кетаётганидан афсусдаман. Менимча, бу ноҳақлик. Лекин барибир унинг «Барселона»га ўтишига ишонмайман.
Касильяс — ҳақиқий мадридлик, бундан юз ўгириб бўлмайди. Мен уни жон деб жамоага қабул қилган бўлардим, лекин бундай ўзгаришни кутиш қийин.
Вальдесни анчадан буён яхши биламан ва жамодан кетиши ҳақидаги қарорини ўзгартиришига ишонмайман. У ажойиб йигит ва унинг жамоадан кетаёганидан афсусдаман. Вальдес нафақат дўст, балки етакчи ҳам. Матбуот бошқалардан фарқли равишда уни танқид қилмоқда, лекин Виктор доим буни тўғри қабул қилади. Қанчалик кўп танқид қилишса, у шунчалик яхши ўйнайди»,- дейди Хави.