"ПСЖ"га Йозуа Киммихни қўлга киритиш қийин бўлади.
Le Parisien нашри хабарига кўра, парижликлар ўз ярим ҳимоясини тажрибали футболчи билан кучайтирмоқчи, аммо "Бавария" футболчисини сотиб олиш тобора қийинлашиб бормоқда.
29 ёшли футболчи жорий ёзда жамоасини тарк этишни истамаяпти ва шартномаси 2025 йилда тугашини кутишни афзал кўрмоқда. Шу билан бирга, мюнхенликлар Киммихни август ойи охиригача кетишини талаб қилишмоқда, чунки улар уни товонсиз йўқотишни исташмаяпти.
Агар Йозуа кетиши керак бўлса, "ПСЖ" биринчи вариантлардан бири бўлмайди. У Англия ва Испанияни афзал кўради.
