Мадриднинг "Атлетико" клуби Александр Серлотнинг трансфери борасида музокаралар олиб бормоқда.
ESPN нашри хабарига кўра, Мадрид клуби "Жирона" ҳужумчиси Артём Довбикнинг трансфери муваффақиятсизликка учрагач, "Вильярреал" форвардини қўлга киритиш бўйича ишларни кучайтирган.
Қайд этилишича, Серлотга Премьер-лигада ўйнаш истаги борлигига қарамай, Диего Симеоне бошчилигида ишлаш истиқболи ёқади. Норвегиялик футболчининг "Вильярреал"даги товон пули 38 миллион еврони ташкил қилади, аммо "Атлетико" камроқ маблағ эвазига трансфер бўйича музокара олиб боришга умид қилмоқда.
Шунингдек, "Атлетико Мадрид" Конор Галлахер бўйича "Челси" билан музокараларда муваффақиятга эришгани хабар қилинган. Лондонликлар ярим ҳимоячи учун камида 40 миллион евро олишни кутмоқдалар, шунингдек, "Астон Вилла" ва "Тоттенхэм" Галлахернинг ҳолатини кузатишмоқда.
