Мадриднинг "Реал" клуби ҳалигача ушбу трансфер ойнасида "Бавария"нинг чап қанот ҳимоячиси Альфонсо Дэвисни сотиб олиш имкониятини инкор этмаяпти. Relevo хабар беришича, келишув ҳали ҳам амалга ошиши мумкин.
Манбага кўра, "Реал Мадрид" раҳбарияти ёзги трансфер кампанияси аллақачон якунланган деб ҳисобламоқда. Шунга қарамай, клуб "Бавария" билан шартномаси тугашига бир йил қолган Дэвиснинг "Сантьяго Бернабеу"га келиши эҳтимолини истисно этмаяпти.
Аввалроқ Мюнхен клуби Альфонсо учун 50 миллион евро миқдорида товон пули талаб қилганди. "Реал" ортиқча тўламаслик учун футболчини бир йилдан сўнг текинга қўшиб олишни афзал кўрмоқда. Аммо, агар "Бавария" нархни пасайтирса, трансфер шу ойдаёқ амалга ошиши мумкин.
