“Ювентус” ҳужумчиси Аркадиуш Милик ёзда жамоани тарк этиш ниятида эмас.

Ўтган ой матбуотда "кекса сеньора"нинг польшалик футболчи билан хайрлашиш нияти борлиги ҳақида маълумотлар пайдо бўлди, аммо янгиланган маълумотларга кўра, бош мураббий Тиаго Мотта ҳамон ҳужумчини жамоада сақлаб қолишни афзал кўрмоқда. Журналист Николо Скиранинг сўзларига кўра, Миликнинг ўзи ҳам ҳеч қаерга кетишни истамайди. 30 ёшли футболчи Туринда қолиш истагини тасдиқлаб, номи ошкор этилмаган клубларнинг 3-4 та таклифини рад этди.

Аркадиуш Миликнинг "Ювентус" билан шартномаси 2026 йилнинг ўрталарига қадар амал қилади. Ўтган мавсумда ҳужумчи 36 ўйинда 8 та гол урган.