“Yuventus” hujumchisi Arkadiush Milik yozda jamoani tark etish niyatida emas.

O‘tgan oy matbuotda "keksa senyora"ning polshalik futbolchi bilan xayrlashish niyati borligi haqida ma’lumotlar paydo bo‘ldi, ammo yangilangan ma’lumotlarga ko‘ra, bosh murabbiy Tiago Motta hamon hujumchini jamoada saqlab qolishni afzal ko‘rmoqda. Jurnalist Nikolo Skiraning so‘zlariga ko‘ra, Milikning o‘zi ham hech qayerga ketishni istamaydi. 30 yoshli futbolchi Turinda qolish istagini tasdiqlab, nomi oshkor etilmagan klublarning 3-4 ta taklifini rad etdi.

Arkadiush Milikning "Yuventus" bilan shartnomasi 2026 yilning o‘rtalariga qadar amal qiladi. O‘tgan mavsumda hujumchi 36 o‘yinda 8 ta gol urgan.