Италиянинг «Рома» клуби ҳужумчиси Пауло Дибала фаолиятини Саудия Арабистонида давом эттириши мумкин, дея хабар беради "Corriera Della Serra".
Хабарларга кўра, Дибалага «Ал-Аҳли» ва «Ал-Иттиҳод» қизиқиш билдирмоқда, улар ҳужумчига 15 миллион евро маош ва 5 миллион бонус таклиф қилмоқдалар ва Дибаланинг товон пули учун 12 миллион евро тўлашга тайёр. Бироқ, на италияликлар ўз форварди билан хайрлашишни хоҳламайдилар, на Дибаланинг ўзи Саудия Арабистонига ўтиш кайфиятида.
Ўтган мавсум Пауло Дибала «Рома» сафида 39 та ўйинда майдонга тушиб, 16 та гол ва 10 та голли узатмани амалга оширган.
